Президент күніне орай Индер ауданындағы Құрылыс ауылында Мұрат Мөңкеұлы атындағы орта мектептің жаңа ғимараты ашылды. 

Мектебімізде 27- 30 күндері аралығында 1 желтоқсан - Тұңғыш Президент күніне арналған іс – шаралар сыныптарда өткізілді.  Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру, Елбасының өмір жолынан үлгі ала отырып Отанын, халқын сүюге, ержүректілікке азаматтыққа, патриоттық сезімге тәрбиелеу, шәкірт  жүрегінде Елбасына деген сүйіспеншілік сезімін ояту, құрметтеу мақсаттарында сыныптарда көптеген тәрбиелік шаралар өткізілді. 2 – 4 сыныптарда (сынып жетекшілері: Г.Шанкиева, Ж.Науанова, А.Есқалиева) «Менің тұңғыш Президентім» тақырыбында тәрбие сағаттары өткізілсе, 5 сыныпта (сынып жетекшісы Г.Есқалиева) «Елбасы ұлт мақтанышы», 6 сыныпта (сынып жетекшісі Н.Бүркітбаева) «Менің мақтанышым – ел Президенті», 7 сыныпта (сынып жетекшісі Л.Тынымбаева) «Елбасы – ел мақтанышы», 8 сыныпта (сынып жетекшісі М.Аманжолова) «Көш басында Кемеңгер», 9-11 сыныптарда Ел Президентінің «Болашаққа бағдар: Рухани жаңғыру» атты мақаласы бойынша интерактивті сабақтар «Туған жер –Туған ел» тақырыбында өткізілді. 30 желтоқсан күні «Ел тірегі -Елбасы» тақырыбымен мерекелік жиын өткізіліп, волейболдан мектеп оқушылары мен қызметкерлері арасында сайыс ұйымдастырылды. Сайысқа 6 команда қатынасып, қорытындысымен «Жігер» командасы жеңіске жетті.

М.Әуезов атындағы орта мектеп бойынша 1 желтоқсан – Қазақстан Республикасының Тұңғыш Президенті күніне орай «Қазақстан - 2050» стратегиясы және «Рухани жаңғыру» қоғамдық сананы жаңғырту бағдарламасы аясында өткізілген апталықтың қорытындысы

2017-2018 оқу жылы

"Өнерімді еліме арнаймын" тақырыбымен Атырау облыстық білім беру басқармысы Әдістемелік орталығының ұйымдастыруымен мектеп оқушылары арасында өтіп жатқан облыстық көркемөнерпаздар байқауына Индер ауданы оқушылары әзірлеген концерттік бағдарлама "Индер-Мәдениет" үйінде 24 қараша күні өтті. Байқаудың іріктеу турына 16 ұжым қатынасып, жоғары деңгейдегі дайындықтарымен ерекшеленді. Өнер тұтынып тұрған өлке ұландары концерттік бағдарламаның барлық жанрлары бойынша таланттарымен танылды. Оқушыларды байқауға әзірлеген барлық жетекшілерге, мектеп басшыларына, балаларына әсем киімдерді тіккізіп, сахнаға әдемі етіп дайындаған ата-аналарға үлкен Алғыс айтамыз. Концерттік бағдарламадан соң сөз бөлім басшысы жүлделі орын алған ұжымдарды марапаттады. Байқаудың Бас жүлдесі - Қ.Абақанов атындағы орта мектеп, І орын М.Әуезов атындағы орта мектепке, ІІ орын: Қ.Есқалиев және Махамбет атындағы орта мектептерге, ІІІ орын: Гребенщик, Б.Нысабаев атындағы орта мектеп пен Өнер мектебінің ұжымына берілді. Өнерсүйер ұландарды тәрбиелеу жолындағы еңбектеріңіз шығармашылықпен өрлей берсін, Ұстаздар!

 Атырау облыстық білім беру басқармасы Әдістемелік орталығының ұйымдастыруымен өткен мектеп оқушыларының облыстық Фариза оқуларына қатынасқан Индер ауданының оқушылары жүлделі орындарға ие болды. Фариза ақын сөздеріне жазылған әндерді орындаушылардың "Не деген керемет ең..." бағамына қатынасқан Б.Нысанбаев атындағы орта мектептің оқушысы А.Бауыржанова (жетекшісі Б.Бисенғалиев) мен "Өлең мен сені аялап өтем..." тақырыппен өткен Фариза ақын өлеңдерін жатқа оқушылар бағамына қатынасқан Қ.Есқалиев атындағы орта мектеп оқушысы А.Муратова (жетекшісі Р.Кенжеғалиева) ІІ орын, "Жырым қалды жанымның ұшқынындай..." бағамымен өткен Фариза ақынға жыр арнаушы жас ақындар бағамына қатынасқан Махамбет атындағы орта мектептің оқушысы А.Бектасқызы (жетекшісі Н.Қыстаубаева) ІІІ орынға ие болды. Жүлделеріңіз құтты болсын, шәкірттер!!!!!

Атырау облысы жалпы орта білім беретін ұйымдарында "Назарбаев Зияткерлік мектептері" ДББҰ тәжірибесін тарату мақсатында құрылған үйлетіру кеңесінің кезекті отырысында "Үйлестіру кеңесінің 2017-2018 оқуьжылына арналған жұмыс жоспары" және пилоттық мектептердегі жаңартылған білім мазмұнын ендірудегі нәтижелері таныстырылды.

Атырау облыстық білім беру басқармасы Әдістемелік орталығының жоспарына сәйкес "Шағын жинақталған мектеп:мәселе, тәжірибе, болашақ" тақырыбындағы облыстық тәжірибе алмасу семианары Индер ауданындағы Аққала орта мектебінің базасында өтті. Семинар жұмысына Құрманғазы, Қызылқоға, Исатай, Махамбет аудандарының ШЖМ директорларының орынбасарлары, бөлім әдіскерлері, пән мұғалімдерінің қатысуымен өтті.